Ladakiyaan Kya Kuchh Nahi Sahati Hain

Aaj mere dil mein ek tees si uthi hai,

kuchh soch kar meri aatma bhi ghuti hai,

main wahi likhta hoon

jo meri rooh jo mujhse kehati hai,

sach kahoon to ladkiyan kya kuchh

nahi sehati hain.

Bachapan mein bade bhaayi ki fatkaar,

chhote bhaayi ki shararat par

bewajah maar.

chhote bhaayi ki galati par

khud saja paana,

nanhe haathon se kuchh na

kar paane ka taana,

chhote bhaayi ko bachaane mein

inka ghutna chhil jata hai,

khush ho jaati hain jo kabhi inhe

tuta khilauna mil jaata hai,

inhe har dukh gham apane bhaayi

ki khatir ganwaara hota hai,

inhe to bhaayi apani jaan se bhi

pyara hota hai,

masoom bachapan mein bhi ye bachapan

se anjaan rehati hain,

sach kahoon to ladkiyaan kya kuchh

nahi sehati hain.

Badi huyi to inhe SCHOOL bheja gaya.

bhayi ka khyal rakhana ye bhi saheja

gaya,

jimmedariyon ke bojh tale ye kahaan

padhaayi karati hain,

bhayi ko kahin chot na lage ye iss

baat se darati hain,

adhyapak ne kya padhaaya aur kya kehata

hai,

inka dhyan to kewal bhayi ki or hi laga

rehata hai,

maa baap to thik par dadi bhi kuchh na

kuchh kehati hai,

sach kahoon to ladakiyaan kya kuchh

nahi sehati hain.

Bhaayi ka har saal janmdin manaya

jata hai,

par inake janmdin par mandir le

jaaya jaata hai,

inhe mili har cheez mein bhayi ka

hissa hota hai,

aur bhayi ki cheejon mein kuchh alag

hi kissa hota hai,

anyaay sahate huye bhi ye apana man maar

leti hain,

inaki baatein kaun sunega isliye ye chup

hi rehati hain,

sahi aur galat ko ye nahi kisi se kehati

hain,

ach kahoon to ladakiyan kya kuchh

nahi sehati hain.

Fir achanak hi maa baap ko apani

jimmedariyon ka khyal aa jata hai,

apani beti waaste be-panaah dil mein

pyar aa jata hai,

inaki haalat ko kabhi bhi na sanmbhala

jata hai,

shaadi ke bahaane hi sahi par inhe

ghar se nikaala jaata hai,

pati ki sewa karke ye khud ko nihaal

samajhati hain,

duniyadaari mein padkar ye kahaan

apana khyal rekhati hain,

kahin na kahin hum sab gunahgaar hain

ye antraatma kehati hai,

ach kahoon to ladakiyaan kya

kuchh nahi sehati hain.

Bachchon ke hone par ye unke

parvarish mein hi kho jaati hain,

padha likha kar laayak banaakar

ye unse door ho jaati hain,

fir ye aur inki tanhaayi bachapan ko

yaad karate hain,

par muskuraate huye andar hi andar

darte hain,

aaj ke samaaj mein bas yahi kuchh

chal raha hai,

ladakiyon ki haalat dekh kar

khud Maula bhi dahal raha hai,

kyonki ladkiyon ki har dua mein

Maula se hi fariyaad rehati hai,

sach kahoon to ladakiyan kya kuchh

nahi sahati hain.